საფრანგეთის მორაგბეთა ელიტარულ დივიზიონ თოპ 14-ში, რეგულარული პირველობა დასრულდა და 3 ქართველის გუნდმაც ფლეი ოფში თამაში ოფიციალურად გაინაღდა, დავით ქუბრიაშვილის "ტულონმა” კი, გათამაშება სანუკვარ ორეულში დაასრულა.

თავად ქართველი პირველხაზელი, "ბრივთან” მატჩში, ძირითად შემადგენლობაში კი იყო, მაგრამ უკვე მე-12 წუთზე ტრავმა მიიღო და მწვრთნელმა იძულებით შეცვალა, თუმცა, მისმა თანაგუნდელებმა მე-2 ნახევარში თავი არ დაზოგეს და გამარჯვებაც მიითვალეს.

შევიდა შეცვლაზე პიერ მინიოლი, ცეცხლი დაანთო, ორი სალელოვე შეტევა წამოიწყო და პირველი ტაიმის 9:16 უცბად 26:16-ად აქცია.

კი გაიბრძოლა დავით ხინჩაგიშვილის "ბრივმა”, მაგრამ ისღა მოახერხა, რომ ლამაზი, ხელდახელ ჩათამაშებული ლელოთი უპასუხა და 23:26 დამარცხდა, რითაც "ტულონს” რეგულარულ პირველობაში მე-2 ადგილი უბოძა და ამით ფლეი ოფის პირველი ეტაპისგან იხსნა.

ქუბრიაშვილის გარდა, ამ მატჩში მონაწილეობა დავით ხინჩაგიშვილმაც მიიღო, ვინაც მოედანზე 54-ე წუთზე გამოჩნდა. "ბრივმა” 58 ქულით მხოლოდ მე-9 ადგილი დაიკავა და მომავალ სეზონში "ჩელენჯ ქაფ”-ზე იასპარეზებს, 80-ქულიანი "ტულონი” კი ერთი კვირა დაისვენებს და ფლეი ოფში ღირსეულ მეტოქეს დაელოდება.

საჩემპიონო ფლეი ოფში ერთ-ერთი ღირსეული გუნდი დავით ზირაქაშვილის "კლერმონი” იქნება, ვინაც საფრანგეთის მოქალაქეობის მქონე დიმიტრი იაშვილის "ბიარიცი” ... კითხვის გაგრძელება »

ძალიან ბევრ ადამიანს საკუთარი შესაძლებლობების შესახებ წარმოდგენაც არ აქვს. ზოგიერთს ყველაფერზე ხელი აქვს ჩაქნეული, ნაწილი კი მებრძოლად იბადება და მუდამ ძიებაშია.

პირველი და მეორე კატეგორია თვითონაც იტანჯება და სხვასაც უმძიმებს ყოფას, მებრძოლები კი საკუთარ თავსაც უადვილებენ ცხოვრებას და საზოგადოებასაც ეხმარებიან.

"საზოგადოება ჩვენს მსგავს ადამიანებს უნდა მივაჩვიოთ", - მეუბნება ჩემი სტუმარი, ახალგაზრდა უსინათლოთა ორგანიზაციის ხელმძღვანელი, გიორგი იაშვილი, რომელმაც, ალბათ, ბევრი რამ შეისწავლა და საკმაოდ მრავალი სიძნელე დაძლია, ვიდრე სხვა ადამიანებისთვის ძალიან საჭირო, სასარგებლო და "ჩვეულებრივი" გახდებოდა.


- ჩვენი ორგანიზაცია 2008 წლის აგვისტოში, ომამდე ორი დღით ადრე შევქმენით. მანამდე უსინათლოთა კავშირთან შეიქმნა ახალგაზრდული კლუბი, სადაც უსინათლო და თვალხილული ადამიანები იკრიბებოდნენ. დამიკავშირდნენ მეც და მივედი.

სამწუხაროდ, კლუბი მალევე დაიშალა, მე კი უსინათლო ადამიანების დანარჩენ საზოგადოებასთან ინტეგრაციის იდეა ძალიან მომეწონა და ჩემს რამდენიმე უსინათლო და მცირედ მხედველ მეგობართან ერთად შევქმენი დამოუკიდებელი არასამთავრობო ორგანიზაცია.

მისი მიზანია, უსინათლო, მცირედ მხედველი და მხედველი ახალგაზრდების ინტეგრაცია საზოგადოებაში. მინდა, კომპიუტერულ ტე ... კითხვის გაგრძელება »

ნიკო გომელაურის ამ ქვეყნიდან წასვლა თავზარდამცემი იყო... თუმცა ეს სიტყვები არაფერია იმ ტკივილთან შედარებით, რომელსაც დღეს ათასობით ადამიანი განიცდის.

ამ დღეებში უამრავი ცრემლი დაიღვრება, იმ ადამიანის დაკარგვის გამო, რომელიც ხელოვნებასთან, არაორდინარულ შემოქმედთან შეხვედრის უდიდეს ბედნიერებას გვაზიარებდა...

ისევ თავად ნიკოს მივცემთ სიტყვას: მასზე უკეთ მის შესახებ ვერავინ მოგვიყვება, თუნდაც - რამდენიმე სტროფითა და "გზის" ფურცლებზე სხვადასხვა დროს გამოქვეყნებული ინტერვიუებიდან ამოკრებილი ნაწყვეტებით შემოვიფარგლოთ...  

"არ ჩერდებაო დრო,
ვიღაცა ბრძენმა ბრძანა...
და ეთანხმება ბრბო,
ასე არ არის განა?!
- როცა მოცარტი ნოტებს არჩევდა,
დროებით შერცხვა დროს და გაჩერდა..."

ნიკო გომელაური:
"- ყოველთვის უნდა გვახსოვდეს, რომ ამ ქვეყანაზე ბოროტებისთვის კი არა, სიყვარულისთვის ვართ გაჩენილები. ნამდვილი გრძნობით ნათქვამი "მიყვარხარ" არასოდეს გაუფასურდება... მთავარი ისევ და ისევ, სიყვარულია. ეს გრძნობა ყველაფრის დასაბამი უნდა იყოს" (2010 წლის მარტი).

"ჩემი ლექსები დღეს შენ გეძღვნება,
თუმცა მცირეა, ვიცი, ეს ძღვენი.
მაგრამ თუ გინდა, ფრენის შეგრძნება,
მოდი, მომენდე, მოდი, მიგრძენი..."

"- ნიკო, ბოლო დროს ძალიან პოპულარული ხარ და ამაზე გუშინდელი დღეც მეტყველებს - "ბიბლუსში" ახალგაზრდების ტევა არ იყო.
- კარგია, თუ მოზარდები ბევ ... კითხვის გაგრძელება »

უთანასწორო ქორწინებებისადმი, როდესაც მამაკაცი გაცილებით უფროსია თანამგზავრზე, როგორც წესი, საზოგადოებას სკეპტიკური დამოკიდებულება აქვს. მიიჩნევა, რომ ქალს ამ დროს მამაკაცისგან მისი კავშირები და საზოგადოებრივი მდგომარეობა სჭირდება, მამაკაცს კი - მისი ახალგაზრდობა.

ამჯერად რამდენიმე ცნობილ და ბედნიერ წყვილს წარმოგიდგენთ, რომლებიც ჯერჯერობით ამსხვრევენ ამ წარმოდგენას.

სელინ დიონი და რენე ანჯელილი

ასაკში სხვაობა: 27 წელი

გათხოვებამდე: პროვინციელი გოგონა სოფელ შარლემანიდან, რომელიც მომღერლის კარიერაზე ოცნებობდა.

შეხვედრა: საქმიანი შეხვედრა. 12 წლის გოგონა დედასთან ერთად მივიდა 38 წლის პროდიუსერთან მოსმენაზე და მაშინვე შეუყვარდა. 1994 წელს - სელინის ბრწყინვალე დებიუტის შემდეგ, რენე პირველ ცოლს დასცილდა და წყვილმა ნოტრ-დამის ტაძარში დაიწერა ჯვარი.

შვილი: 9 წლის ვაჟი რენე-შარლი.

გათხოვების შემდეგ: მეუღლის წარმატებული განკურნების შემდეგ (1999 წელს ექიმებმა მას სიმსივნის დიაგნოზი დაუსვეს) სელინი სამუშაოს დაუბრუნდა. უკან დარჩა 2008 წლის მსოფლიო ტურნე, წინ არის ლას-ვეგასში დაბრუნება ახალი შოუთი. თუმცა სელინის მთავარი საფიქრალი მომავალი შვილია - მას სურს, საყვარელ მამაკაცს მეორე შვილი აჩუქოს.

მაიკლ დუგლასი და კეტრინ ზეტა-ჯონსი

ასაკში სხვაობა: 25 წელი

გათხოვებამდე: ახალგაზრდა მსახიობი, რომელიც სტივენ სპილბერგმა როლზე დაამტკიცა. ანტონიო ბანდერასის შეყვარებული ფი ... კითხვის გაგრძელება »

ყველა დროის ერთ-ერთ საუკეთესო არბიტრად მიჩნეული პიერლუჯი კოლინა, ოფიციალურ შეხვედრებს 2006 წლიდან აღარ მსაჯობს, მაგრამ ფეხბურთს არ ჩამოშორებია. ის, იტალიის ფეხბურთის ფედერაციის მსაჯთა ასოციაციას კონსულტაციას უფასოდ უწევს, გარდა ამისა, უეფას არბიტრთა კომიტეტის წევრიცაა.

50 წლის იტალიელი, ზოგჯერ საყვარელ საქმესაც უბრუნდება, როგორც ეს მიმდინარე წლის 25 იანვარს, ლისაბონში მოხდა - ზინედინ ზიდანისა და რონალდოს მეგობრების გუნდის "ბენფიკასთან" ჩატარებული საქველმოქმედო მატჩი იმსაჯა, რომლიდანაც შემოსული თანხა, ჰაიტიზე მომხდარი მიწისძვრით დაზარალებულებს გადაეცათ.

ფეხბურთის ისტორიაში ერთ-ერთ ყველაზე კოლორიტულ მსაჯთან ინტერვიუ, გამოცემა Sportweek-მა გამოაქვეყნა.

- სამსაჯო კარიერა 2006 წელს დაასრულეთ. თუ არის ისეთი რამ, რაც ვერ გააკეთეთ და რის გამოც დღემდე გული გწყდებათ?
- სერია A-ს მატჩების განსჯა 1991 წელს დავიწყე, როდესაც დიეგო მარადონამ იტალია დატოვა. ძალიან საწყენია, რომ მას საფეხბურთო მოედანზე ვერ შევხვდი. ჩემი აზრით, ფეხბურთის ისტორიაში ის უდიდესი მოთამაშეა.

- მათგან, ვისაც მოედანზე შეხვედრიხართ, ყველაზე დიდი შთაბეჭდილება ვინ მოახდინა თქვენზე?
- კარიერის განმავლობაში არაერთ მატჩში მიმსაჯია, რომლებშიც უდიდესი გუნდები და ფეხბურთელები მონაწილეობდნენ. გულიტი, რაიკაარდი, რონალდინიო, ზიდანი. ... კითხვის გაგრძელება »

რუსეთის პრემიერმა ვლადიმერ პუტინმა ქართველ ძიუდოისტებს ევროპის ჩემპიონატში გამარჯვება მიულოცა. ამის შესახებ საქართველოს ძიუდოს ფედერაციის პრეზიდენტმა დილარ ხაბულიანმა განაცხადა.

"ჯოლდოების გადაცემისას პუტინმა საქართველოს ჰიმნი ფეხზე დამდგარმა მოისმინა და შემდეგ გამარჯვება მოგვილოცა”, – განაცხადა ხაბულიანმა.

საქართველოს ოლიმპიური კომიტეტის თავმჯდომარის გია ნაცვლიშვილის განცხადებით, რუსეთის ნაკრებს ევროპის ჩემპიონატზე ქართველი სპორტსმენების დამარცხების იმედი ჰქონდა. პუტინი ვენაში საგანგებოდ მათ მხარდასაჭერად ჩავიდა. პრემიერმა თან ნაკრების ფორმაში ჩაცმული 150 ბავშვი და ნაკრების ძველი მწვრთნელიც ჩაიყვანა.

"გუნდები ისე იყო განთესილი, რომ რუსეთის და ჩვენი ნაკრებები ერთმანეთს უნდა შეხვედროდნენ, მაგრამ რუსი სპორტსმენები მანამდე გამოეთიშნენ ჩემპიონატს”, – განაცხადა ნაცვლიშვილმა.

ბიომეტრიული პასპორტების გაცემა 15 აპრილიდან დაიწყება. უკვე დამონტაჟდა საჭირო ტექნიკა - თითის ანაბეჭდის სკანერი, სახის ამოცნობის, ხელმოწერის ნიმუშის აღების და პასპორტის ხარისხის შემოწმების აპარატი.

ამ დროისთვის ბეჭდვის სამი ცენტრი არსებობს. ბიომეტრიული პასპორტები ათი წლის ვადით გაიცემა და ასი ლარი ეღირება. ბიომეტრიული პასპორტების გაცემის პარალელურად, ვადის გასვლამდე ძალაში იქნება დღეისთვის მოქმედი პასპორტებიც.

"ნაციონალური მოძრაობის" მერობის კანდიდატი გიგი უგულავა დილის 06:00 საათზე გლდანი-ნაძალადევის რაიონში ერთ-ერთ თონეს ესტუმრა, სადაც ხაბაზის ფუნქციები შეასრულა - პურები და ნაზუქები დააცხო; შემდეგ, კინოთეტრ "ამირანში" მივიდა, სადაც სპეცფორმაში გამოწყობილმა ვიტრაჟები დაასუფთავა; მოგვიანებით, ვარკეთილის ბაზრობაზე ყასაბის ფუნქციები იტვირთა - თეთრ ხალათში გამოწყობილმა ხორცი დაჭრა და გაყიდა.

მერობის კანდიდატი 24-საათიან რეჟიმში იმუშავებს - სხვადასხვა პროფესიის ადამიანებს შეხვდება და მათ პრობლემებს მოისმენს. "ასე უფრო შესაძლებელია არსებული პრობლემების დანახვა", განაცხადა უგულავამ.

რამდენიმე ქართველმა მეცნიერმა, რომლებიც თურქეთის გეოგრაფიულ ცნობარზე მუშაობდნენ, ტაო-კლარჯეთის ისტორიული ძეგლები - ოშკი, ხახული და იშხანი მოინახულეს.

ექსპედიციის წევრთა განცხადებით, ოშკი, რომელიც სამების საკათედრო ტაძრის აგებამდე ყველაზე დიდი ქართული ქრისტიანული ძეგლი იყო, სავალალო მდგომარეობაშია. დაზიანებული გუმბათიდან წყალი ჩადის, რამაც ფრესკები თითქმის ჩამორეცხა.

ტაძრის სამხრეთ ფასადზე გამოსახული ვედრების ბარელიეფური კომპოზიციიდან თავდაპირველად ჩამოვარდა ღვთისმშობლის ფიგურა, რომელიც 2006 წლამდე ტაძრის კედელზე იყო მიყუდებული, შემდეგ - დაიკარგა; სხვა ფიგურებს, სიმაგრის მისაცემად, შეყუდებული ქონდა ხის მორები. ამჟამად, კომპოზიციას საბჯენი მორები გამოცლილი აქვს; ბარელიეფიდან კი, ჩამოვარდნილია მაცხოვრის ფიგურა, რომელიც შუაზეა გადატეხილი და ისეა დაზიანებული, რომ ფიგურა აღარ იკითხება. აღნიშნული ბარელიეფით ტაძარი აგებისთანავე, მე-10 საუკუნის მეორე ნახევარში შეამკეს.

28.04.2010


გადაუღებელმა წვიმამ ყველაზე მეტად ყვარლის რაიონის სოფელი გავაზი დააზარალა. სანიაღვრე არხებიდან მოვარდნილმა ღვარცოფმა თხუთმეტამდე ოჯახი დატბორა. დახოცილია შინაური ფრინველი და მსხვილფეხა პირუტყვი.

განადგურებულია სახნავ-სათესი მიწები. ადგილზე მობილიზებულია სამაშველო და სახანძრო ბრიგადები. მიმდინარეობს წყლის ამოტუმბვითი სამუშაოები.

მეწყერისა და ალაზანის ადიდების გამო პარალიზებული მოძრაობა აღდგა გომბორი-თბილისის გზატკეცილზე და თბილისი-ლაგოდეხის მაგისტრალზე. მეწყერი ჩამოწვა თელავის რაიონის სოფელ ხოდაშენშიც. დაზიანდა წყლის სათავე ნაგებობა.

300-მდე ოჯახი სასმელი წყლის გარეშე რჩება. სამაშველო სამსახურის თანამშრომლები გამოდარებას ელოდებიან. სტიქიის სალიკვიდაციო სამუშაოების დასაგეგმად თელავში მთავრობის გასვლითი სხდომა იწყება.