საჭირო მასალა: 500 გ. საქონლის მკერდის ხორცი, 200 მლ. თეთრი მშრალი ღვინო, 3 პატარა ტოტი როზმარინი, 2-3 ს.კ. ზეითუნის ზეთი, 800 გ. კანგაცლილი და გახეხილი პამიდორი, 3 კბილი ნიორი, 2-3 ს.კ. უკურკო ზეთისხილი, 1 კონა ახალი რეჰანი, დანის წვერით ძირა, მარილი - გემოვნებით.

მომზადება: ხორცი დავჭრათ საშუალო ზომის ნაჭრებად, დავასხათ ღვინო, დავაყაროთ როზმარინის ტოტები და ასე გავაჩეროთ 1 საათით. ხორცი გადავწუროთ, ცოტა შევაშროთ, დავყაროთ კარგად გახურებულ ღრმა ტაფაზე და ზეთში შევბრაწოთ. ცალკე პამიდორში ავურიოთ მწვანილი, შუა-შუა დაჭრილი ზეთისხილი, ძირა და ნიორი, დავასხათ ხორცს და დაბალ ცეცხლზე ვთუშოთ დაახლოებით 30-40 წუთის განმავლობაში.