უელსი (ინგლ. Wales; უელსურად — Cymru) არის გაერთიანებული სამეფოს ნაწილი, ისტორიული პროვინცია. უკავია უელსის ნახევარკუნძული და მიმდებარე კუნძული ანგლსი. ადმინისტრაციულად იყოფა 8 საგრაფოდ.

• ფართობი — 20,8 ათასი კვ.კმ.
• მოსახლეობა — 2,9 მლნ, ძირითადად უელსელები.
• ქალაქები (ათ.) — კარდიფი (Cardiff / Caerdydd), სუონსი, ნიუპორტი.
• ენები — ინგლისური და უელსური (18,7 %).

ძველად უელსის ტერიტორია დასახლებული კიმრების კელტური ტომით. ანგლო-საქსონური (5-6 სს.) და ნორმანული (11 ს.) დაპყრობების დროს უელსის ტერიტორიას შეეკედლა ბრიტების ნაწილი. მე-13 საუკუნის ბოლოს დაიპყრო ინგლისმა, მაგრამ უელსი1536 წლამდე ავტონომიურ სამთავროდ რჩებოდა. 1301 წლიდან ინგლისის ტახტის მემკვიდრეები „უელსის პრინცის" ტიტულს ატარებენ.