მსოფლიოს პირველი ჩოგბურთელი რაფაელ ნადალი EMPORIO ARMANI-ს საცვლების სარეკლამო კოლექციის სახე იქნება.

იტალიურმა სახლმა Giorgio Armani-მ სარეკლამო სახედ ისევ წარმატებული სპორტსმენი აირჩია, რომელმაც ესტაფეტა დევიდ ბეკჰემისა და კრიშტიანუ რონალდუსგან მიიღო.

ესპანელი ნადალი ქვედა საცვლების გარდა, რეკლამას ჯინსებსაც გაუკეთებს.

რაფაელის ფოტოებს  მერტ ალასისა და მარკუს პიგოტის ცნობილი დუეტი გადაიღებს. დევიდ ბეკჰემი და კრიშტიანუ რონალდუ Armani-ს რეკლამაში ბევრს არაბუნებრივი ეჩვენა, საინტერესოა, როგორი გამოვა ნადალი. ცნობისმოყვარეები უკვე თებერვალში ნახავენ სარეკლამო კამპანიის ფოტოებს.