10:45 რუსეთის ბიუჯეტის ნახევარი ნავთობმა და გაზმა შეავსო | |
2010 წელს რუსეთის ბიუჯეტის შემოსავლების თითქმის ნახევარი ნავთობისა და გაზის სექტორმა უზრუნველყო. ამის შესახებ ფედერაციის პრემიერ–მინისტრმა ვლადიმირ პუტინმა განაცხადა. წინასწარი მონაცემებით, ნავთობმა და გაზმა ქვეყნის 8,3 ტრილიონიან ბიუჯეტს 4,1 ტრილიონი რუბლი მოუტანა. პუტინის განცხადებითვე, გასული წელი რუსეთისთვის ნავთობის მოპოვების კუთხით რეკორდული იყო – პირველად ქვეყნის უახლეს ისტორიაში წლიურმა მოპოვებამ 500 მილიონ ტონას გადააჭარბა, ხოლო ნედლეულის ბაზარზე არსებულმა ხელსაყრელმა კონკუნქტურამ ამ სფეროს შემოსავლები 38%–ით გაზარდა. ასევე გაიზარდა გაზის მოპოვება და მისგან მიღებული ექსპორტი. თუმცა სოციალური ვალდებულებებისა და სხვა საბიუჯეტო ხარჯების მატებამ ეს დადებითი ეფექტი გადაფარა. | |
|