ინდონეზიელმა მხატვარმა რონალდ მანულანგმა (Ronald Manullang) ადოლფ ჰიტლერი ნახევრადშიშველი და ფეხმძიმე გამოსახა, რადგან იგი თვლის, რომ ამით ფიურერი ჩადენილი ცოდვებისთვის დასაჯა. მანულანგმა ნახატების მთელი სერია შექმნა, სახელწოდებით „ღმერთის სამსჯავრო". ერთ-ერთ ტილოზე, რომელსაც „ხარება" დაარქვა, ანგელოზი ჰიტლერს ბავშვის დაბადების შესახებ ახარებს, მეორეზე კი ჰიტლერი ჩვილ იესოსთან ერთად არის გამოსახული, ხოლო მესამე სურათზე ფიურერს ხელის მტევანზე ნომერი აქვს გამოსახული და ქალის მკერდი აქვს.
„ეს საშინელი, ძლევამოსილი ადამიანი იძულებულია, ძუძუს აწოვებდეს, უმღეროდეს იავნანას და ეალერსებოდეს ბავშვს, როემლიც ეზიზღება. ეს მის მიერ ჩადენილი ცოდვებისთვის შესაფერისი სასჯელია", - ამბობს მხატვარი და აქვე დასძენს, რომ მისი აზრით, სწორედ ასე უნდა გამოიყურებოდეს ღმერთის სასჯელი ჰიტლერისადმი, რომელიც დედამიწაზე ჩადენილი დანაშაულებებისთვის არ დასჯილა.