"ალიანსი საქართველოსთვის" მერობის კანდიდატი ირაკლი ალასანია ცენტრალურ საარჩევნო კომისიაში დარეგისტრირდა. ალასანიამდე ცესკო-ში რეგისტრირებული იყო მერობის 8 კანდიდატი: "ეროვნული საბჭო" - ზვიად ძიძიგური; "საქართველოს დემოკრატიული პარტია" - დავით იაკობიძე; "ნაციონალური მოძრაობა" - გიგი უგულავა; "სახალხო დემოკრატები" - ნიკა ივანიშვილი; "მომავალი საქართველო" - გიორგი ლაღიძე; "ქრისტიან-დემოკრატები" - გია ჭანტურია; "მრეწველები" - გოგი თოფაძე და "სოლიდარობა" - თამაზ ვაშაძე. ამ პარტიებს ცესკო-ში წარდგენილი აქვთ პროპორციული საარჩევნო სიებიც.

მერობის კანდიდატების წარდგენის ვადა ცესკო-ში დღეს, 18:00 საათზე იწურება. რეგისტრირებულმა პოლიტიკურმა პარტიებმა ამ ვადაში უნდა წარადგინონ საკრებულოს მაჟორიტარი დეპუტატობის კანდიდატები და პროპორციული სიები. ადგილობრივი თვითმმართველობის არჩევნებში მონაწილეობას მიიღებს 15 პარტია და 3 პოლიტიკური ბლოკი.