25-27 იანვარს თბილისში ბაქო-თბილისი-ახალქალაქი-ყარსის სარკინიგზო მაგისტრალის პროექტის რეალიზაციაზე სამმხრივი შეხვედრები გაიმართება. 

როგორც ორშაბათის ტრადიციულ ბრიფინგზე საგარეო საქმეთა მინისტრის მოადგილე ნინო კალანდაძემ განაცხადა, მასში მონაწილეობას საქართველოს, აზერბაიჯანისა და თურქეთის დელეგაციები მიიღებენ. საქართველოს დელეგაცია რეგიონული განვითარებისა და ინფრასტრუქტურის, საგარეო საქმეთა და ფინანსთა სამინისტროების ხელმძღვანელი პირებიც იქნება წარმოდგენილი. 

ნინო კალანდაძის შეფასებით, ბაქო-თბილისი-ახალქალაქი-ყარსის სარკინიგზო მაგისტრალის მშენებლობა მასშტაბური პროექტია და ის აზია-ევროპის დამაკავშირებლის ფუნქციას შეასრულებს. ამასთან, პროექტი როგორც საქართველოს, ისე რეგიონისათვის ეკონომიკურად მომგებიანი იქნება. 25-27 იანვრისათვის დაგეგმილ შეხვედრებზე მისი დაფინანსებისა და ტექნიკური დეტალები დაზუსტდება.