ეს არის საინტერესო ადგილი კაბადოკიაში, თურქეთში, რომელსაც უწოდებენ სიყვარულის ველს

ცენტრალური კაბადოკიის (თანამედროვე თურქეთი) მშრალი და უნაყოფო ბორცვები ადრეული ქრისტიანებისთვის იდეალური თავშესაფარი აღმოჩნდა, რომლებიც იქ არაბებსა და მათ რელიგიური ნიშნით შემვიწროვებლებს ემალებოდნენ. რბილ ვულკანურ კლდეებში ქრისტიანებმა 40-ზე მეტი სოფელი და ქალაქი გამოკვეთეს. ისინი უცხო თვალისგან დამალული, კარგად ორგანიზებული, უსაფრთხო და დამოუკიდებელი საცხოვრებელი კომპლექსები იყვნენ, რომლებიც 30 000 ადამიანს იტევდა.
ყველაზე კარგად ქალაქი დერინკუიუ არის გამოკვლეული, რომელიც რვა დონისაგან შედგება, სადაც განთავსებული იყო საჯინიბოები, სკოლა, სასადილო, ეკლესიები, სამზარეულოები, საცხოვრებელი ბინები, ღვინის სარდაფები, წყალსაცავი, ციხეები და დამხმარე სათავსოები.

დღემდე ფუნქციონირებს მაშინდელი სავენტილაციო შახტები, ხოლო გვირაბები და დარბაზები საკმაოდ კარგადაა განათებული. საფრთხის შემთხვევაში, ადგილობრივი მოსახლეობა გასასვლელებს უზარმაზარი ქვებით ხერგავდნენ. ქალაქის დონეებს შორის იატაკში გამოთლილი იყო მცირე ზომის ხვრელები მეზობელ სართულებს შორის კავშირისათვის. დღეისათვის ტურისტებისთვის დასათვალიერებლად ქალაქის რვა სართულია გახსნილი, ამასთან მათ შორის ყველაზე დაბალი 54 მეტრის სიღრმეშია. თუმცა, მეცნიერები თვლიან, რომ ჯერჯერობით აღმოჩენილია ქალაქის მთლიანი ფართის მხოლოდ 15%, რომელსაც მიწისქვეშ განლაგებული კიდევ ბევრი დონე ჰქონდა.