21:38 ტვინი – დიდხანს სიცოცხლის საიდუმლო. | |
"თითქოსდა წარმოუდგენელია, როგორ შეიძლება სულმა ზეგავლენა მოახდინოა სხეულის შენარჩუნებაზე. მთავარია საკუთარი თავის მართვა ისწავლოთ”. – ეს აზრი, რომელიც ოდესღაც გამოთქვა დიდმა გოეთემ, შეიძლება დაადასტუროს ასობით ადამიანმა. მათ პირადი მაგალითითაც დაამტკიცეს, რომ ჯანმრთელობა და ხანგრძლივი სიცოცხლე შეიძლება საკუთარი ინტელექტით მოიპოვოთ. ფრანგმა მწერალმა ბერნარ ფონტელმა, რომელიც ბავშვობაში ხშირად ავადმყოფობდა, ასი წელი იცოცხლა. მიუხედავად ყველაფრისა ინტელექტი და ჭკუა ჯერ კიდევ არ არის ხანგრძლივი სიცოცხლის გარანტია. შეიძლება დავასახელოთ უამრავი ძალზე ჭკვიანი ადამიანი რომლებიც უდროოდ წავიდნენ ამ ქვეყნიდან. იმისთვის რომ ადამიანმა დიდხანს იცოცხლოს საჭიროა შესაბამისი განწყობაც. თუ კი გადაწყვეტილებას მიიღებს, რომ ყველაფრის მიუხედავად უნდა იცოცხლოს და ყველა ღონეს იხმარს დასახული მიზნის მისაღწევად, ტვინი ქვეცნობიერების დონეზე დაიწყებს მბრძანებლობას ორგანიზმზე… "კარგი მაგრამ რა ვუყოთ ზოგადად ცნობილ ფაქტს, რომ ხანდაზმულობაში ადამიანის ტვინი სულ უფრო და უფრო ცუდათ მუშაობს?” – იკითხავს მავანი და არ იქნება მთლად სწორი. ბოლო ხანებამდე მიღებული იყო თვალსაზრისი, რომ ნერვული უჯრედების აღდგენა არ ხდება და ინტენსიური გონებრივი დატვირთვით ტვინი უფრო სწრაფად "ცვდება” და "იწვება”. მაგრამ მეცნიერები თანდათანობით იქეთ იხრებიან, რომ ეს თვალსაზრისი მცდარია. ექსპერიმენტებით გაირკვა რომ ნეიტრონები არა მხოლოდ იღუპებიან , არამედ მათ უნარი აქვთ კვლავ "დაიბადონ”, თუკი ტვინი აქთიურად მუშაობს. მათი კი, ვისაც არ უნდა "ტვინის განძრევა”, ნერვული უჯრედები უსაქმურობით ღრმა ძილის მდგომარეობაში იმყოფებიან, თუმცა წლების განმავლობაში დაგროვილ ინფორმაციას მაინც ინარჩუნებენ. ეს "ძილისგუდები” სავსებით შესაძლებელია გავაღვიძოთ და ვაიძულოთ, იმუშაონ ადრინდელი რიტმით, მაგრამ ამისათვის საჭიროა სათანადო გარჯა: რაც უფრო დიდხანს იყო ტვინი უსაქმურად, მით უფრო ძნელია მისი კვლავ "ამოძრავება”. | |
|