15:01 ევროპელთა დუელში ჰოლანდიამ იმარჯვა. | |
სიმონ პოულსენს (მარჯვნივ) გათამაშების პირველი ავტოგოლი გააქვს ჰოლანდია-დანია 2:0 (0:0) გოლები: 1:0 ს. პოულსენი (46, ს.კ.), 2:0 კუიტი (85) მსოფლიოს მიმდინარე ჩემპიონატზე, ევროპულ გუნდებს შორის გამართულ პირველ დაპირისპირებაში, როგორც მოსალოდნელი იყო, ჰოლანდიის ნაკრებმა იმარჯვა. მიუხედავად იმისა, რომ ბერტ ვან მარვიიკის შეგირდებმა თამაშის ხარისხით გულშემატკივრები ვერ გაახარეს, ანგარიშის მიხედვით, მათ დანიელებს მაინც დამაჯერებლად სძლიეს. სორენსენის კარში პირველი გოლი მისივე თანაგუნდელმა, სიმონ პოულსენმა გაიტანა მე-2 ტაიმის დასაწყისში. მატჩის მიწურულს, ჰოლანდიელმა ფეხბურთელმაც მოახერხა გოლის გატანა - შეხვედრას წერტილი დირკ კუიტმა დაუსვა. | |
|