20:28 აფხაზური მხარე პირობას დებს, რომ გალში ქართველთა სახლების გადაწვის საქმეს გამოიძიებენ. | |
გალში ქართულმა და აფხაზურმა მხარეებმა საგანგებო შეხვედრაზე რაიონში ბოლო ორი კვირის განმავლობაში მომხდარი ინციდენტები განიხილეს. ამის შესახებ "ინტერპრესნიუსს" საქართველოს შსს-ს ანალიტიკური დეპარტამენტის უფროსმა შოთა უტიაშვილმა განუცხადა.
მისივე ინფორმაციით, ინციდენტების პრევენციისა და მათზე რეაგირების მექანიზმის ფარგლებში მომდევნო შეხვედრა გალში 22 ივნისის ნაცვლად 20 ივლისს გაიმართება. ივნისის დასაწყისიდან გალის რაიონში დე-ფაქტო ხელისუფლების სამი წარმომადგენელი მოკლეს. ქართული მხარის ვერსიით, მკვლელობების მიზეზი ქართული მოსახლეობიდან ძალით ამოღებული გადასახადების განაწილება გახდა. მკვლელობებს დიხაზურგაში აფხაზური მილიციის სადამსჯელო ოპერაცია მოჰყვა, რომლის დროსაც გადაწვეს რამდენიმე სახლი და სცემეს რამდენიმე ახალგაზრდას. აფხაზური მხარე თავდაპირველად სახლების გადაწვისა და ადგილობრივების ცემის ფაქტებს კატეგორიულად უარყოფდა. | |
|
| |
| |||
