ყველაზე იდუმალი - 10 თებერვალში 2011 - www.ucoz.com
კვირა, 04.12.2016, 23:20
მოგესალმები, greshnik | RSS
საიტის მენიუ
მინი-ჩეთი
200
სტატისტიკა
შესვლის ფორმა
მთავარი » 2011 » თებერვალი » 10 » ყველაზე იდუმალი
15:19
ყველაზე იდუმალი
ტანგო მეცხრამეტე საუკუნის პირმშოა და ის ბუენოს-აირესში იშვა. მერე ნელ-ნელა დაიპყრო მთელი არგენტინა, ურუგვაი, კუბა. ეს ქვეყნები დღემდე ექიშპებიან ერთმანეთს და იჩემებენ ტანგოს.

ტანგო იმისთვის შეიქმნა, რომ ქალს თავისი ადგილი სცოდნოდა და ამისგან მაქსიმალური სიამოვნებაც მიეღო. ტანგოში ქალი პარტნიორის, ანუ მამაკაცის გარეშე, ერთ ნაბიჯსაც ვერ გადადგამს. ტანგოში არ არის მიღებული, პარტნიორებმა ერთმანეთს უყურონ, გაუღიმონ ან ილაპარაკონ. მნიშვნელობა მხოლოდ მოძრაობებს აქვს.

ალბათ, ტანგო დიდხანს იქნებოდა „ველური,” არგენტინიდან ევროპაში რომ არ მოხვედრილიყო. მისი ღირსებები პირველად ფრანგებმა შეაფასეს. 1913 წელს ცეკვამ ნიუ-იორკშიც შეაღწია.

სანამ ელიტურ სალონებში ტანგოზე ბოდავდნენ, ცენზურას, როგორც ჩანს, არ ეძინა. პაპმა ბენედიქტე მეთხუთმეტემ ტანგო უღირს, აღვირახსნილ ცეკვად გამოაცხადა და აკრძალა. მის განცხადებაში ნათქვამი იყო – ტანგო დაანგრევს ოჯახებს და მოკლავს კეთილგონიერებასო. პარიზის არქიეპისკოპოსმა ლეონ ადოლფ ამეტმა სწრაფად აუბა მხარი რომის პაპს და მრევლს ამ უზნეობაში მონაწილეობის მიღება აუკრძალა. კაიზერ ვილჰელმ მეორემ ყველას გააგებინა, რომ მამაკაცი, რომელიც ტანგოს იცეკვებდა, შეარცხვენდა მუნდირისა და ერის ღირსებას.

ამ აკრძალვებიდან მაინც არაფერი გამოვიდა. გასული საუკუნის 30-40-იან წლებში, ტანგომ მაინც მოახერხა მატერიკის დაპყრობა და საყოველთაო სიყვარულიც მოიპოვა.

ტანგოს უკვდავსაყოფად ორი მონუმენტია აღმართული. 1998 წელს დაიდგა პატარა, არგენტინულ ქალაქში ვილია-ჰესელში.

მერე იყო 3,5-მეტრიანი ქადაკება – სკულპტორ ესტელა ტრებინოს ქმნილება, ბუენოს-აირესში, პუერტო-გადეროს რაიონში.

ჯერ კიდევ 10 წლის წინ, ბრენდი „ტანგო”, არგენტინის ეკონომიკას 180 მილიონი დოლარით ამდიდრებდა წელიწადში.

ყოველ წელს ბუენოს-აირესში ტანგოს ფესტივალი იმართება და ამ დროს ხაზინა ნახევარი მილიარდით ივსება. ბუენოს-აირესში ტანგოს მსოფლიო მუზეუმია. ის 2003 წლის დეკემბერში გაიხსნა.

2009 წლის 30 სექტემბერს ტანგო, ჩინურ დამწერლობასთან და აზერბაიჯანელ პოეტ-აშიკებთან ერთად, იუნესკოს არამატერიალური საგანძურის ფონდში შევიდა.

ტანგოს საუკეთესო ავტორად დღემდე ასტორ პიაცოლაა მიჩნეული.

11 დეკემბერი ტანგოს საერთაშორისო დღეა. ამ დღეს დაიბადა ტანგოს უბადლო და საუკეთესო შემსრულებელი კარლოს გარდელი. 1935 წელს ის ავიაკატასტროფაში დაიღუპა.
კატეგორია: სტატიები | ნანახია: 224 | დაამატა: NaTia | რეიტინგი: 0.0/0
ძებნა
კალენდარი
«  თებერვალი 2011  »
ორსამოთხხუთპარშაბკვ
 123456
78910111213
14151617181920
21222324252627
28
საიტის მეგობრები