ევროპის საინვესტიციო ბანკმა (EIB) საქართველოსთვის 20 მილიონი ევროს ოდენობის კრედიტის გამოყოფის გადაწყვეტილება მიიღო. ამის შესახებ განცხადება EIB-ს წარმომადგენლობამ გაავრცელა. მიღებული სესხი საქართველოს ენგურის ჰიდროელექტროსადგურის და ვარდნილჰესი 1-ის კასკადის რეაბილიტაციის დასრულებას მოხმარდება.
კრედიტის ნაწილი ორი აგრეგატის რეაბილიტაციაზე დაიხარჯება, ნაწილი კი _ ენგურჰესის კომპლექსში შემავალი ვარდნილჰესი 1-ის წყალგამტარი არხის რეაბილიტაციაზე, რაც, პროექტის თანახმად, ხელს შეუწყობს შავ ზღვაში წყლის უსაფრთხო გადინებას.
პროექტის თანადამფინანსებელია. 20 მილიონ ევროს, სესხის სახით, ცალკე გამოყოფს ევროპის რეკონსტრუქციისა და განვითარების ბანკი, ხოლო ევროკავშირის სამეზობლო პოლიტიკის საინვესტიციო ფონდი 5 მილიონი ევროს ოდენობის გრანტით დააფინანსებს.