სოხუმის რეჟიმის პარლამენტმა რუსეთთან უვიზო მიმოსვლის შეთანხმების რატიფიცირება მოახდინა. ამის შესახებ საინფორმაციო სააგენტო "აპსნი პრესი" იუწყება.

შეთანხმება ითვალისწინებს რუსეთის მოქალაქეებისა და ე.წ. აფხაზეთს მოქალაქეებისთვის 90 დღით უვიზო მიმოსვლას, მათ შორის შიდაპასპორტებისა და მეზღვაურის მოწმობის გამოყენებით.

შეთანხმებას რუსეთის საგარეო საქმეთა მინისტრმა, სერგეი ლავროვმა და სოხუმის რეჟიმის მაშინდელმა საგარეო საქმეთა მინისტრმა, სერგეი შამბამ 2009 წლის 2 ოქტომბერს მოაწერეს ხელი.

საქართველოს დამოუკიდებლობის დღეს - 26 მაისს თბილისში სამხედრო აღლუმი ტრადიციულ ადგილზე - რუსთაველის გამზირზე ჩატარდება. სამხედრო აღლუმს ქვეყნის მთავარსარდალი მიხეილ სააკაშვილი ჩაიბარებს.

აღლუმის ზუსტი დრო ჯერ უცნობია. თავდაცვის სამინისტროში განმარტავენ, რომ ეს საკითხი ჯერ გადაწყვეტილი არაა. არაოფიციალური ინფორმაციით, სამხედრო აღლუმი დილის საათებში, დაახლოებით 10-დან 11 საათამდე გაიმართება.

თავდაცვის სამინისტრომ 26 მაისის აღლუმისთვის მზადება გუშინ დაიწყო. აღლუმის პირველი რეპეტიცია გუშინ ღამით გაიმართა.

თბილისის, საპატრულო პოლიციის უფროსის გიორგი გეგეჭკორის განცხადებით, აღნიშნულის გამო 23:00 საათიდან თავისუფლების მოედანი, რუსთაველის გამზირი, ასევე ლესელიძის, მელიქიშვილისა და კოსტავას ქუჩები გადაიკეტა. შეზღუდვა გამთენიისას 05:00 საათისთვის მოიხსნა.

სამხედრო აღლუმში მონაწილეობას მიიღებს ყველა ქვედანაყოფი, მათ შორის საჰაერო ძალები. გამოყვანილი იქნება სამხედრო ტექნიკა. თუმცა, როგორც თავდაცვის სამინისტროს პრესსამსახურის ხელმძღვანელი სალომე მახარაძე ამბობს, ჯერჯერობით არაა გადაწყვეტილი გამოყვანილი იქნება თუ არა მძიმე ტექნიკა.

არასაპარლამენტო ოპოზიცია მიიჩნევს, რომ ხელისუფლებას სამხედრო აღლუმის ჩატარების უფლება არ აქვს. მათივე თქმით, არჩევნებიდან 4 დღით ადრე აღლუმის ჩატარება ძალის დემონსტრირებაა.
ოპოზიცია ამბობს, რომ ხელისუფლებას აღლუმის ჩატარების საშუალებას არ მისცემ ... კითხვის გაგრძელება »

30 მაისს თვითმმართველობის არჩევნებს 29 ადგილობრივი არასამთავრობო ორგანიზაცია და 14 საერთაშორისო ორგანიზაცია დააკვირდება. თუმცა, შესაძლოა, ეს რიცხვი კიდევ გაიზარდოს, რადგან საერთაშორისო ორგანიზაციების რეგისტრაციის ვადა 23 მაისს იწურება.

ეუთოს დემოკრატიული ინსტიტუტებისა და ადამიანის უფლებათა დაცვის ოფისი, ბრიტანეთის საელჩო საქართველოში, საერთაშორისო შრომის სოლიდარობის ამერიკის ცენტრი, საარჩევნო სისტემების საერთაშორისო ფონდი, ამერიკის შეერთებული შტატების საელჩო საქართველოში, ესტონეთის საელჩო საქართველოში, საფრანგეთის საელჩო, ევროკავშირის სამხრეთ კავკასიაში სპეციალური წარმომადგნლის ოფისი, ევროკავშირის ევროპული კომისია, აღმოსავლეთ ევროპის სწავლების ცენტრი და ბალტიისა და შავი ზღვის ალიანსი - ეს არის საერთაშორისო ორგანიზაციების არასრული ჩამონათვალი, რომელიც თვითმმართველობის არჩვნებს დააკვირდება.

"ახალი თაობა ახალი ინიციტივა", "სამართლიანი არჩევნებისა და დემოკრატიის საერთაშორისო საზოგადოება", ფონდი "ინვალიდთა დახმარების ასოციაცია", "საქართველოს ახალგაზრდა იურისტთა ასოციაცია", "სამართლებრივი განვითარების საზოგადოება", "საერთაშორისო გამჭვირვალობა - საქართველო", "დემოკრატიის ცენტრი", "მშვიდობისა და განვითარების აკადემია", "ბათუმელი", "მრავალეროვანი საქართველო", "სიმართლისა და სამართლის, ჩაგრულთა და პატიმართა უფლებების დაცვისა და სოციალური უზრუნველყოფის საერთაშორისო ორგანიზაცია", "თავისუფალი განვითარებისა და უფლებების დაცვის ასოციაცია", "ჯანმრთელი ს ... კითხვის გაგრძელება »

ინდოეთის ქალაქ მანგალორაში "Air India"-ს კუთვნილმა თვითმფრინავმა კატასტროფა განიცადა, რის შედეგადაც, წინასწარი მონაცემებით, 160 ადამიანი დაიღუპა.
ამასთან, "როიტერი" ავრცელებს ცნობას ექვსი ადამიანის გადარჩენის შესახებ, რომლებიც საავადმყოფოში გადაიყვანეს.

ადგილობრივი ტელეკომპანიები აჩვენებენ კადრებს, სადაც მეხანძრეები ალმოდებული თვითმფრინავის ჩაქრობას ცდილობენ. კადრებში ჩანს, როგორ გამოჰყავს მაშველს ბავშვი კატასტროფის ადგილიდან.
"ბოინგ 737" რეისს დუბაიდან ასრულებდა. ერთ-ერთი ვერსიით, ბორტზე 163 მგზავრი და ეკიპაჟის ექვსი წევრი იმყოფებოდა.

ამ დროისთვის უცნობია, ავარია მიწაზე დაშვებამდე მოხდა, თუ მას შემდეგ, რაც თვითმფრინავი ასაფრენი ბილიკიდან გადავიდა. მანგალორას პოლიციაში აცხადებენ, რომ თვითმფრინავი თითქმის მთლიანად დაიწვა.

მანგალორას აეორპორტი მთის წვერზეა განთავსებული და ექპერტების განცხადებით, ის არ არის იოლი ადგილი თვითმფრინავის დასაჯდომად.

რუსეთს მიაჩნია, რომ ნატო-ს ახალი სტრატეგიული კონცეფციის პროექტი „ორაზროვანია" და სარაკეტო ფარის ერთობლივად შექმნის მიმართ განსაკუთრებულ დაინტერესებას არ ამჟღავნებს

„ნატო-მ თავის სტრატეგიულ კონცეფციაში ცხადად უნდა დააფიქსიროს, რომ რუსეთს მტრად აღარ განიხილავს, ასევე თავი უნდა შეიკავოს ნებისმიერი ისეთი აქციისგან, რომელიც ჩვენი ეროვნული ინტერესების წინააღმდეგაა მიმართული" - ხაზგასმით აღნიშნა Fინანციალ თიმეს Dეუტსცჰლანდ-თან ინტერვიუში ნატო-ში რუსეთის მუმდივმა წარმომადგენელმა დიმიტრი როგოზინმა.

მისი აზრით, იმ ექსპერტთა ჯგუფის კონცეფცია, რომელსაც ყოფილი სახელმწიფო მდივანი მადლენ ოლბრაიტი ხელმძღვანელობს, იმას მოწმობს რომ რუსეთთან დაკავშირებით ალიანსის წევრებში „ერთიანი აზრი" არ არსებობს.

„ნატო ახალგაზრდა კაცს ჰგავს, რომელიც მეგობარ ქალს ეუბნება: „გამომყვები ცოლად?", შემდეგ კი დასძენს – „თუმცა არა ვარ დარწმუნებული, რომ მიყვარხარ" – ასეთი ირონიით საუბრობს როგოზინი ნატო-ს პროექტის შესახებ.

კერძოდ, ახალ კონცეფციაში ნათქვამია – „მართალია ალიანსი რუსეთისთვის სამხედრო საფრთხეს არ წარმოადგენს და თავადაც არ განიხილავს რუსეთს სამხედრო საფრთხედ, თუმცა ორივე მხარეს მეორის განზრახვებთან და პოლიტიკურ ხაზთან დაკავშირებით ეჭვები გააჩნია". 

შემდეგ ავტორები ალიანსისგან მოითხოვენ რუსეთთან ყოველმხრივი თანამშრომლობის განვითარებას, განსაკ ... კითხვის გაგრძელება »

ამერიკის შეერთებულმა შტატებმა "როსაბარონექსპორტს" 2008 წლიდან დაწესებული სანქციები მოუხსნა, - ამის შესახებ "ლენტა.რუ" "ასოშიეთიდ პრესზე" დაყრდნობით იუწყება.

"ასოშიეთიდ პრესის" ცნობით, შესაბამისი ინფორმაცია აშშ-ის ფედერალური რეესტრის ოფიციალურ ვებგვერდზეა განთავსებული. სანქციები მოეხსნათ, აგრეთვე, მოსკოვის საავიაციო და რუსეთის მენდელეევის სახელობის ქიმიურ-ტექნოლოგიურ ინსტიტუტებს.

აშშ-მა რუსეთის იარაღის ექსპორტიორ კომპანიებზე სანქციები ირანთან თანამშრომლობის მიზეზით დააწესა. გარდა ამისა, "როსაბარონექსპორტს" ბრალს სდებდნენ მასობრივი განადგურების იარაღის შექმნისთვის საჭირო ტექნოლოგიების გაყიდვაში.

აშშ-ის მიერ დაწესებული სანქცია უკრძალავდა სახელმწიფო ორგანიზაციებს ამ კომპანიებთან ან მათ შვილობილ კომპანიებთან ნებისმიერი ხასიათის შეთანხმების გაფორმებას. ამასთან, "როსაბარონექსპორტს" ამერიკული სამხედრო ტექნიკის შეძენა ეკრძალებოდა.

"როსაბარონექსპორტმა" მაშინ ამერიკული მხარის გადაწყვეტილება არაკეთილსინდისიერი კონკურენციით ახსნა. ასეთივე შეფასება მისცა აშშ-ის მაშინდელი ადინისტრაციის გადაწყვეტილებას რუსეთის პრეზიდენტმა, დიმიტრი მედვედევმაც.

მოსკოვი ყირგიზეთისთვის დამატებითი ჰუმანიტარული დახმარების გაგზავნას გეგმავს.

”გადავწყვიტეთ, ყირგიზეთს ფინანსურად, ნავთობპროდუქტებითა და ხორბლით დავეხმაროთ. ამჟამად ამ დახმარების საკითხს განვიხილავთ, - განაცხადა პუტინმა ტელეკომპანია ”მირის” ეთერში.

პუტინმა ყირგიზეთის არჩევნებზეც ისაუბრა, ”ჩვენ დაინტერესებულნი ვართ, რომ დღევანდელი ხელისუფლების ლეგიტიმურობა არჩევნებმა განამტკიცოს. ვიცი, რომ ყირგიზეთში არჩევნებისთვის უკვე ემზადებიან, ჩვენ ამ პროცესებს მივესალმებით”, - განაცხადა პუტინმა.

ძველ მაჰმადიანურ სამყაროში მეფეებისა და მონარქებისათვის ჰარამხანის ყოლა (თუ ქონა) ერთგვარ რიტუალსაც კი წარმოადგენდა. რაც უფრო მრავალრიცხოვან ქალთაგან შემდგარი ამალა ჰყავდა მაჰმადიან მონარქს, სავარაუდოდ, მით უფრო პრესტიჟული და მოსაწონი უნდა ყოფილიყო მისი მმართველობა.

არადა, ამ "ქალთა კრებულში" შემავალი ყველა მანდილოსანი საკუთარ თავს მეფისა თუ მონარქის ოფიციალურ ცოლად თვლიდა. მაგალითისათვის, ირანის ერთ-ერთ ხალიფას 320 მეუღლე ჰყავდა.

რაში სჭირდებოდათ მაჰმადიან მმართველებს 320 თუ 250 მეუღლე, რა შემთხვევაში მოიხმარს მავანი არაბი შეიხი 130 ავტომანქანას, რომელიც მის ავტოფარეხს ამშვენებს, რომელ ერთ სასახლესა თუ სასტუმროში უნდა გაათიოს ღამე მავანმა ქუვეითელმა მილიარდერმა (ეს კაცი 53 სასახლისა და სასტუმროს შემგროვებელია?), ალბათ, მთელი სიცოცხლე (არც საკუთარი და არც ნასესხები) არ ეყოფა ელტონ ჯონს მის მიერ ნაგროვები სათვალეებიდან ყველა რომ თითო დღით მაინც ატაროს.

მოცემულ შემთხვევაში, დასკვნის გამოტანა არც მკითხველისათვის და არც ჩვენთვის დიდი საფიქრალ-სააზროვნო არ არის - არც მაჰმადიანი მონარქთათვის (ცოლები), შეიხებისათვის (მანქანები თუ თვითმფრინავები), ვარსკვლავებისათვის (ტანსაცმელ-ფეხსაცმელი) და ა.შ. პირდაპირი მოხმარების (თუ ხმარების) არ შეგროვილა.

მონარქიდან დაწყებული ერთი უბრალო ქართველით დამთავრებული, რომელიც მარკების უდიდესი კოლექციის მფლობელია, საკუთარ "შემოქმედებას" ... კითხვის გაგრძელება »

ავსტრიის ქალაქ კარპუნში შეკრებაზე მყოფმა საქართველოს ეროვნულმა გუნდმა, რომელიც 25 მაისს ლინცში კამერუნის ნაკრებთან ამხანაგური შეხვედრისთვის ემზადება, 18 მაისს, თემურ ქეცბაიას ხელმძღვანელობით, პირველი ვარჯიში ჩაატარა.

ფეხბურთის ფედერაციის ტექნიკურ დირექტორ ნიკა ჩხეიძის თქმით, ნაკრებში გამოძახებული ფეხბურთელებიდან, წვრთნაში მონაწილეობა არ მიუღიათ ლევან კობიაშვილს, გიორგი შაშიაშვილსა და ალექსანდრე ამისულაშვილს. პირველი ორი გუნდს საღამოს შეუერთდა, ხოლო ამისულაშვილს ტემპერატურამ აუწია და ამიტომ, სასტუმროში დატოვეს.

მომდევნო დღეებში, ნაკრებს ორჯერადი ვარჯიშები ექნება, ხოლო თამაშის წინა დღეს, წვრთნას მომავალი დაპირისპირების არენაზე, ლინცში ჩაატარებს. ქეცბაიას, საწვრთნელი პროცესის წარმართვაში, თანაშემწე სოსო ჭედია, მეკარების მწვრთნელი მამუკა აბუსერიძე და ფიზ-მომზადების სპეციალისტი მიხალის მიხალისი ეხმარებიან.

კამერუნთან თამაშისთვის, ეროვნული გუნდის თავკაცის ხელმძღვანელობით შემდეგი ფეხბურთელები მოემზადებიან:

მეკარეები: ნუკრი რევიშვილი ("ანჟი", რუსეთი), მაქსიმე ქვილითაია ("ლოკომოტივი").
მცველები: მალხაზ ასათიანი ("ლოკომოტივი", რუსეთი), ალექსანდრე ამისულაშვილი ("სპარტაკ-ნალჩიკი", რუსეთი), ზურაბ ხიზანიშვილი ("ბლექბერნი", ინგლისი), გიორგი შაშიაშვილი ("ერგოტელისი", საბერძნეთი), ილია კანდელაკი ("შტურმი", ავსტრია), უჩა ლობჟანიძე ("დნიპრო", უკრაინა).

... კითხვის გაგრძელება »

მსოფლიოსა და ევროპის პირველობათა ჩემპიონი, ბუნდესლიგის შვიდგზის გამარჯვებული და სერია A-ს ჩემპიონი, ორჯერ უეფას, სამჯერ კი გერმანიის თასების მფლობელი, 5 მუნდიალის მონაწილე, მსოფლიოს ჩემპიონატების ფინალურ ეტაპზე სარეკორდო რაოდენობის, 25 მატჩის მონაწილე, ევროპის პირველობების დასკვნითი სტადიის ოთხგზის მონაწილე, გერმანიის ფედერაციული რესპუბლიკის ნაკრების რიგებში ჩატარებული 150 შეხვედრა (23 გოლი), ფიფას გამოკითხვის შედეგად მსოფლიოს წლის საუკეთესო ფეხბურთელი – აი, ასეთი გახლავთ ლეგენდარული გერმანელი მოთამაშის ლოთარ ჰერბერტ მათეუსის მიღწევათა არასრული სია. ზემოთქმულიდან გამომდინარე, მათეუსს გასახსენებელიც ბევრი აქვს და ცალკეულ საფეხბურთო საკითხებზეც ორიგინალური მიდგომები აქვს.

- მოდით თქვენი უაღრესად ნაყოფიერი საფეხბურთო კარიერის მნიშვნელოვანი მომენტები გავიხსენოთ. ევროპელ მოთამაშეთაგან სანაკრებო მატჩებში მონაწილეობის რეკორდი გეკუთვნით. ბუნდესნაკრებში ჩატარებული 150 შეხვედრიდან პირველი თუ გახსოვთ?
- გერმანიის ნაკრებში დებიუტი 1980 წლის ევროპის ჩემპიონატზე მქონდა.

ნეაპოლში ჰოლანდიელებს ვხვდებოდით. თამაშში 73-ე წუთიდან ჩავერთე. 3:0-ს ვიგებდით. მალე პენალტი "ავიკიდე”, შემდეგ კი ბენილუქსელებმა კიდევ ერთი გაგვიტანეს. როგორც ხედავთ, თამაშში ინტრიგის შეტანა მოვახერხე (იცინის). ეს ამბავი მწვრთნელებს არ მოეწონათ და მეორე სანაკრებო მატჩში ჩვიდმეტთვიანი პაუზის შემდეგ მომიხდა მონაწილეობის მიღება. პირველი სანაკრე ... კითხვის გაგრძელება »