მადრიდის "რეალის” გულშემატკივრები ბოლოხანს აქტიურად განიხილავენ მათი საყვარელი გუნდის მთავარ მწვრთნელად ჟოზე მოურინიოს მისვლის პერსპექტივას.

ამის თაობაზე, ესპანელი ჟურნალისტებიც ამახვილებენ ყურადღებას, გაზეთმა "ასმა” კი პორტუგალიელი სპეციალისტი "სამეფო კლუბის” დამრიგებლად უკვე "დანიშნა”.

ამას წინათ, ჟოზე მოურინიო ლონდონს სტუმრობდა, სადაც მას მასმედიელები შეხვდნენ და მინი-ინტერვიუც ჩამოართვეს.


- სეუ ჟოზე, დახედეთ "ასის” ამ ნომრის პირველ გვერდს. პოპულარულ გამოცემას თუ ვერწმუნებით, მომავალი სეზონიდან "რეალს” ჩაუდგებით სათავეში. 22 მაისს ფინალს "სანტიაგო ბერნაბეუზე” ჩაატარებთ და მადრიდში დარჩებით?
- ჯერჯერობით, 2 ამოცანა მაქვს გადასაჭრელი. იტალიის სერია A-ში "სიენა” უნდა დავამარცხოთ და სკუდეტო გავინაღდოთ, შემდეგ კი, "ბაიერნთან” ფინალი გველის. ვიმედოვნებ, კიდევ ერთხელ მოვახერხებ ჩემპიონთა ლიგის თასის თავსზემოთ აწევას, მომავალზე კი, მხოლოდ ამის შემდეგ დავფიქრდები.

ჩემს პირად აგენტ ჟორჟე მენდეშს დავუკავშირდი და ვუთხარი, სამომავლო გეგმებზე სასაუბროდ 23 მაისამდე რომ არ მცალია.

- "რეალის” გაწვრთნა თუ შედის თქვენს გეგმაში?
- ფეხბურთში საკმაოდ ბევრს მივაღწიე, თუმცა გასაკეთებელიც ბევრია. ამბიციურმა მწვრთნელმა საკუთარი ძალა და შესაძლებლობები პრიმერა დივიზიონშიც უნდა მოსინჯოს. ამიტომაც, ჩემს გე ... კითხვის გაგრძელება »

არგენტინის ნაკრების მთავარმა მწვრთნელმა დიეგო მარადონამ სამხრეთ აფრიკაში წასაყვან შემადგენლობას საბოლოოდ სახე მისცა. თავიდან დასახელებული 30
კანდიდატიდან, "ალბისელესტეს" თავკაცმა 23 საუკეთესო გამოარჩია, 7 ფეხბურთელს კი, ნაკლებად გაუმართლა.

ამჯერად, ყველაფერი სიურპრიზების გარეშე მოხდა - ლეგენდარულმა დიეგომ სიიდან სწორედ ის მოთამაშეები ამოშალა, რომლებსაც სპეციალისტთა საყოველთაო აზრით, მუნდიალზე წასვლის ყველაზე ნაკლები შანსი ჰქონდათ. უიღბლოთა შორის მოხვდნენ: ეზეკილ ლავეცი ("ნაპოლი", იტალია), ფაბრიციო კოლოჩინი ("ნიუკასლი", ინგლისი), ხესუს დატოლო ("ოლიმპიაკოსი", საბერძნეთი), ხოსე სოსა ("ესტუდიანტესი"), ხუან მერსიერი ("არგენტინოს ხუნიორსი"), სებასტიან ბლანკო ("ლანუსი") და ხუან მანუელ ინსაურალდე ("ოლდ ბოისი").

არგენტინელთა საბოლოო სამუნდიალე შემადგენლობა კი ასე გამოიყურება:

მეკარეები: სერხიო რომერო ("ალკმაარი", ჰოლანდია), მარიანო ანდუხარი ("კატანია", იტალია), დიეგო ლოპესი ("კოლონი");

მცველები: ვალტერ სამუელი ("ინტერი", იტალია), ნიკოლას ბურდისო ("რომა", იტალია), მარტინ დემიკელისი ("ბაიერნი", გერმანია), გაბრიელ ჰაინცე ("მარსელი", საფრანგეთი), ნიკოლას ოტამენდი ("ველესი"), კლემენტე როდრიგესი ("ესტუდიანტესი"), არიელ გარსე ("კოლონი");

ნახევარმცველები: ხავიერ მასკერანო, მაქსი როდრიგესი (ორივე "ლივერპული", ინგლისი), ხუან სებასტიან ვერონი ("ესტუდიანტესი"), მარიო ბოლატი ("ფიორენტინა", იტალია), ანხელ დი მარია ("ბენფიკა", პო ... კითხვის გაგრძელება »

საარჩევნო კამპანიის მიმდინარეობაზე, იყენებს თუ არა მმართველი პარტია არჩევნებში სახელისუფლო რესურს, რამდენად მომგებიანი სლოგანები აქვთ არჩევნებში მონაწილე პოლიტიკურ სუბიეტებს; ასევე - რამდენად შეესაბამება NDI-სა და CSA-ს სოციოლოგიური კვლევა რეალობას, „ინტერპრესნიუსი" ფსიქოლოგ რამაზ საყვარელიძეს ესაუბრა.

_ ბატონო რამაზ, როგორ შეაფასებდით საარჩევნო კამპანიის მიმდინარეობას და რამდენად მაღალი შეიძლება იყოს ამომრჩეველთა აქტივობა?
_ სოციოლოგია რეალობის სურათს ხატავს და მე უფლება არა მაქვს, სოციოლოგიით არ ვიხელმძღვანელო. ახლა არ შევალ დისკუსიაში, სანდოა თუ არა ჩატარებული სოციოლოგიურ კვლევათა შედეგები, მაგრამ ვიტყვი _ რაც მეორდება, ის სანდოა.

სხვადასხვა გამოკვლევებში მეორდება, რომ არჩევნებზე მოსახლეობა აქტიური იქნება. საერთოდ, თვითმმართველობის არჩევნებზე აქტიურობა დაბალია, მაგრამ იმის გამომ რომ ეს ჩვეულებრივი თვითმართველობის არჩევნები არ არის, მოსახლეობის აქტიურობა საკმაოდ მაღალი იქნება. 
რაც შეეხება საარჩევნო კამპანიის მიმდინარეობას, უნდა ვაღიაროთ, რომ სახელისუფლო კანდიდატის კამპანია უფრო აქტიურია. ეთერში უფრო აქტიურად ჩანს, ქალაქში რომ გაივლი, თუ შეიძლება ასე ითქვას, მისი ნაკვალევი, როგორც მოქმედი მერის, უფრო იკითხება, რაც ბუნებრივია და ამ აქტიურობას თავის შედეგიც მოაქვს.

მიუხდავად გამოკვლევების ავტორებ ... კითხვის გაგრძელება »

რუსმა და პოლონელმა გამომძიებლებმა ლეხ კაჩინსკის თვითმფრინავის კატასტროფის ადგილი ხელახლა დაათვალიერეს, - ამის შესახებ სააგენტო `უნიანი~ რუსეთის პროკურატურის ინფორმაციაზე დაყრდნობით იუწყება.

საგამოძიებო კომიტეტის გამომძიებლებმა პოლონეთის პრეზიდენტის თვითმფრინავის ჩამოვარდნასთან დაკავშირებული სისხლის სამართლის საქმის ფარგლებში შემთხვევის ადგილი დღეს კიდევ ერთხელ დაათვალიერეს.

პროცედურაში პოლონეთის მთავარი სამხედრო პროკურორის მოადგილე, პოლიციის წარმომადგენლები და რუსეთში პოლონეთის საელჩოს წარმომადგენლები მონაწილეობდნენ.

ჩატარებული საგამოძიებო მოქმედებების შედეგად შინაგან საქმეთა და საგანგებო სიტუაციების სამინისტროების წარმომადგენლებმა ადამიანთა სხეულის ნაწილები, თვითმფრინავის ნამსხვრევები, დაღუპულთა კუთვნილი ნივთები და საქმესთან დაკავშირებული სხვა მნიშვნელოვანი საგნები ვერ აღმოაჩინეს.

ზუგდიდის მთავარ მოედანზე დევნილების მხარდასაჭერ კონცერტზე დასწრების მსურველებს ორგანიზატორები თბილისიდან უფასო ტრანსპორტირებას სთავაზობენ.

ქართველი მომღერლები და პროექტის ორგანიზატორები მოუწოდებენ ქართულ საზოგადოებას, ზუგდიდში დაგეგმილ კონცერტში მონაწილეობით კიდევ ერთხელ გაუწიონ თანადგომა დევნილებს და კონცერტზე დამსწრეთა მსურველებს სთავაზობენ უფასო ტრანსპორტირებას თბილისი–ზუგდიდი–თბილისის მიმართულები.

ავტობუსები გავა სპორტის სასახლიდან 11.00 საათზე. რეგისტრაცია 25 მაისამდე იწარმოებს. ადგილები შეზღუდულია. მსურველებს შესაძლებლობა აქვთ დაუკავშირდნენ არასამთავრობო ორგანიზაციას „კოალიცია სამართლიანობისათვის" ტელეფონის ნომერზე +995 32 47 12 17.

ზუგდიდის მთავარ მოედანზე დევნილების მხარდასაჭერად მსოფლიოში ცნობილი ვარსკვლავებისა და ქართველი მუსიკოსების კონცერტი 26 მაისს, 18:00-დან 23:00 საათამდე გაიმართება. კონცერტში მონაწილეობას მიიღებენ ისეთი ცნობილი შემსრულებლები, როგორებიც არიან Youssou N' Dour, MC Solaar, Jane Birkin, Youssoupha, Grace, Maia.K. ასევე, ქართველი მუსიკოსები – "მგზავრები ", სალომე კორკოტაშვილი, სტრინგი, პორნოპოეზია და რემა. კონცერტში მონაწილე ყველა ვარსკვლავმა საკუთარ ჰონორარზე უარი თქვა.

ღონისძიების მთავარი მიზანი, ... კითხვის გაგრძელება »

გმირთა მოედანზე 26 მაისს თბილისში ყველაზე მაღალი მემორიალი გაიხსნება, რომელიც საქართველოს გასაბჭოებიდან დღემდე რუსეთის წინააღმდეგ დაღუპულ გმირთა სახელები და გვარები იქნება ამოტვიფრული.

როგორც „ინტერპრესნიუსს" თბილისის მერიაში განუცხადეს, მემორიალი ლითონის კონსტრუქციისა და ორგანული მინის კოშკს წარმოადგენს, რომელიც ესპანელმა დიზაინერმა ალბერტო დომინგო კაბომ დააპროექტა.

მემორიალის სიმაღლე 48 მეტრია და ის თბილისში ყველაზე მაღალი მემორიალი იქნება. მემორიალი 1918 წელს დაღუპული იუნკრების, 1924 წლის აჯანყების მეთაურების, 1992-93 წლებში აფხაზეთსა და სამაჩაბლოში, 2008 წლის აგვისტოს ომში რუსეთის აგრესიის შედეგად დაღუპულ მეომართა ხსოვნას ეძღვნება. მეომართა სახელები ამოტვიფრული იქნება ორგანულ მინაზე, რომლითაც ეს კოშკი არის აგებული.

Lotus-ის საინჟინრო განყოფილებამ კროსოვერის - Toyota Venza - ორი კონცეპტუალური ვერსია შეიმუშავა. კონსტრუქტორების მიზანი იმის ჩვენებაა, რომ ავტომობილის მასისა და შესაბამისად, საწვავის ხარჯის შემცირება 30%-ითაა შესაძლებელი.

Lotus-ის საინჟინრო კომპანიამ 2017 წლის კროსოვერის მასის 21%-ით, ხოლო 2020 წლის ავტომობილის მასის - 38%-ით შემცირება მოახერხა. ამასთან, მისი აწყობისთვის საჭირო ხარჯები ამჟამინდელ Toyota Venza -სთან შედარებით მხოლოდ 3%-ით გაიზარდა. პროტოტიპების შემუშავებისას "შავი" ძარას (გრუნტირებისა და შეღებვის გარეშე) შექმნაზე გამოყენებული კომპონენტების რაოდენობა 400-დან 211-მდე შემცირდა.

ამასთან, თუ ამჟამად კროსოვერის ძარა ფოლადისგან მზადდება, 2020 წლის მანქანისთვის იგი 37%-ით ალუმინის, 30%-ით მაგნიუმის, 21%-ით კომპოზიტური მასალებისა და 7%-ით მაღალი სიმტკიცის ფოლადისაგან დამზადდება. Lotus-ი ბამპერების კონსტრუირებისას ალუმინს, ხოლო სხვადასხვა დეტალის შეერთებისას პლასტიკას, მაგნიუმსა და სხვა მასალებს იყენებდა.

ანალოგიური მეთოდით შეიქმნა შასი, რომელიც 43%-ით შემსუბუქდა. სალონში მთელი მექანიკა "ელექტრონიკით" შეიცვალა (მაგალითად, სიჩქარის გადაცემათა კოლოფის სელექტორი და ხელის მუხრუჭი სენსორულ დისპლეიზე ღილაკებს წარმოადგენენ), ხოლო ლითონის დეტალებზე უარის თქმის შედეგად, სავარძლების მასა 50%-ით შემცირდა.

ირლანდიური როკ-ჯგუფ U2-ს სოლისტმა ბონომ, მსოფლიო ტურნესთვის საგასტროლო სამზადისის დროს მიღებული ტრავმის გამო ხერხემლის გადაუდებელი ოპერაცია გაიკეთა.

50 წლის მუსიკოსს ოპერაცია მიუნხენის ნეიროქირურგიულ კლინიკაში ჩაუტარეს, სადაც ის კიდევ რამდენიმე დღეს დაჰყოფს. მომღერლის წარმომადგენლის განცხადებით, ოპერაციის შემდეგ ბონო ირლანდიაში საკუთარ სახლში დაბრუნდება, სადაც სარეაბილიტაციო მკურნალობის კურსს დაასრულებს.

აშშ-ში U2-ს საგასტროლო ტურნე, რომელიც 3 ივნისს უნდა დაწყებულიყო, გადაიდო.

გასტროლების განახლების ზუსტი თარიღი ჯერჯერობით უცნობია. ჯგუფის ოფიციალური საიტის ინფორმაციით, ეს მუსიკოსის გამოჯანმრთელებაზეა დამოკიდებული, - იუწყება BBC.

უკვე 16 წელია, ინდოეთში, დელიში ცხოვრობს. ინდური კლასიკური ცეკვისა და ზოგადად, ინდური კულტურის სიყვარულმა სამშობლოსგან შორს, უცხო ქვეყანაში წასვლა გადააწყვეტინა. იქ ცხოვრების თანამგზავრს შეხვდა და ქართულ-ინდური ოჯახი შექმნა. ნათია საჯაია შვილთან, 11 წლის ომართან ერთად რედაქციაში გვესტუმრა და თავისი ცხოვრების შესახებ გვიამბო. 


- ჩემი შვილის სრული სახელი ომარ-ჯირან ამანია. სახელი ომარი მე დამესიზმრა და ამიტომ დავარქვი, ჯირანი კი ინდური სახელია, ჩემი მეუღლის ბაბუასაც ერქვა. ჩემი ქმარი მუსლიმია, მისი ბაბუა კი სასულიერო პირი იყო და ხალხში დიდი პატივით სარგებლობდა. დაახლოებით 2 წლის წინ მეუღლემ მიჩვენა ის ადგილები, სადაც მისი ბაბუა მოღვაწეობდა. მათ საგვარეულო მეჩეთიც ჰქონიათ.

- შენ ინდოელების ქართველი რძალი ხარ. საინტერესოა, როგორ მიგიღეს? როგორც ვიცი, ინდოეთში, სარძლო მზითვის რაოდენობით ფასდება.
- სამწუხაროდ, ინდოეთში ასეთი ოჯახები დღემდე არსებობს. მზითვის არქონის გამო, იქ ბევრი ოჯახი დაუმსახურებლად იჩაგრება. სხვათა შორის, ჩემმა მეუღლემ ქორწინებისას გამაფრთხილა: სახლიდან არაფერი წამოიღოო. მე მაინც შევთავაზე: თუ ჩემს სახლში რაიმე მოგეწონება, მოჰკიდე ხელი და წავიღოთ-მეთქი. იუარა, - ყველაფერს თავად ვიყიდიო.

დაქორწინებამდე მე და ჩემმა მეუღლემ სამი პირობა დავდეთ. კარგა ხანს ვნანობდი, რომ იმ სამს კიდევ ერთი პირობა არ დავუმატე, მაგრამ მერე, სურვილი თავისთავად ამისრულდა: პირველი პირობის თანახმად, ინდოელზე გათხოვების მიუხედავად, საქარ ... კითხვის გაგრძელება »

"ჩემი ცხოვრება თავისი შუქ-ჩრდილებით საოცრად დაემსგავსა სერგოს ცხოვრებას... ჩვენ ვერ დავაფასეთ ეს ადამიანი. ქართველებს ხომ ასეთი ზნე გვჭირს: ჩვენი განძი ჯერ სხვამ უნდა დაინახოს და აღიაროს, მასზე სხვამ უნდა თქვას, გენიოსიაო, სხვამ გამოიყენოს მისი ნიჭი და მერე უნდა დავუწყოთ დევნა", - ამბობს პოეტი და მხატვარი-სიმბოლისტი, მანანა ჭყონია, რომელსაც დიდი მეგობრობა აკავშირებდა XX საუკუნის უდიდეს კინორეჟისორთან, სერგო ფარაჯანოვთან.

"ეროვნებით თბილისელი" (როგორც თვითონ უწოდებდა საკუთარ თავს) სერგო ფარაჯანოვი 21 წლის წინ გამოეთხოვა საყვარელ ქალაქს, სადაც მთელი ცხოვრება დაყო. სიცოცხლის უკანასკნელი წელიწადი კი ერევანში გაატარა. მანამდე ბევრჯერ ატკინეს, დაამცირეს, დაატუსაღეს, მაგრამ ადამიანებისა და სიცოცხლის რწმენით აღსავსე რეჟისორის თავისუფალი სამყაროს ხელყოფა ვერაფერმა შეძლო. "ამბავი სურამის ციხისა", "აშუღი ქერიბი", "ბროწეულის ფერი" (იგივე "საიათნოვა"), "არაბესკები ფიროსმანის თემაზე", "ყვავილი ქვაზე", "მივიწყებულ წინაპართა აჩრდილები" და სხვა შესანიშნავი ფილმებით, კოლაჟებითა და ტილოებით შექმნილი სამყარო ავტორის სრულ პორტრეტს გვიხატავს, გვიამბობს მასზე და მეტი არც არაფერია საჭირო იმის აღსაქმელად, რომ რაღაც გენიალურთან გაქვს საქმე...

"მან ცხოვრება მასწავლა და ჩემი ადგილის პოვნაში დამეხმარა, ვალში ვარ და ვეცდები, სერგო ფარაჯანოვი თბილისში დავაბრუნო", - ამბობს ქალბატონი მანანა, ვისაც ერთი ნახვის შემდეგ ეტრფოდა დიდი რეჟისორი. თუმცა, საბოლოოდ, ეს ადამიანები ს ... კითხვის გაგრძელება »